Date: Tuesday 13 May 2025

Topic: Imam Reza (A.S)

Q: Usool-e-Kafi ki aik riwayat mein aaya hai ke jab Mu'tasim Abbasi ne Imam Reza (a.s) ko talab kiya to Imam (a.s) ne farmaya: "Is waqt mujh par khauf taari hai." Kya yeh baat Imam (a.s) ki shuja'at ke munaafi nahin? Halankeh Aimmah (a.s) ilm o shuja'at mein kaamil tareen hotay hain?

A: Imam (a.s) ke kalaam se yeh nahin samajhna chahiye ke woh apni jaan ke khauf se dar rahe thay jabke yeh baat ma'roof hai ke woh Allah se maut ki dua kiya karte thay. Balki unka yeh jumla majhool seegay mein kaha gaya tha jiska matlab kinaayah mein yeh tha ke unke Shia unke qatl se khaufzada thay. Aur roney ka sabab bhi maut ka khauf nahin tha, balke shayad yeh unke Shia aur chaahne walon se judaai ka gham tha. Lihaza riwayat mein koi aisi baat nahin jo maut ke khauf ki taraf ishara karti ho aur shuja'at ke munaafi ho.