Date: Saturday 12 Jul 2025

Topic: Imam Hussain A.S

Q: Kya aap bata sakte hain ke yeh riwayat kisi qadr is riwayat ki sahih hai jis mein Imam Sadiq (a.s.) ne farmaya: "Jis ne mere jadd Imam Hussain (a.s.) par giriya kiya ya koshish ki ke use giriya aaye to woh jannat mein daakhil hoga"?

A: Is tarah ke matlab par muta’addid riwayaat hain jin ke Ma'soomeen (a.s.) ki taraf se sadir hone par itminan kiya ja sakta hai. Balki yeh mazmoon ke aitbaar se mutawatir hai aur ba’z asnaad ke lehaaz se sahih bhi hain, jaise: ⁠Ek sahih hadees mein Ali bin al-Hussain (a.s.) se riwayat hai: "Jo momin Imam Hussain (a.s.) ke qatl par aansu bahaaye yahan tak ke uska aansu us ke rukhshaar par beh jaaye, Allah Ta’ala usay jannat ke aise mahalaat mein theh raayega jahan woh hamesha rahega." (Tafsir al-Qummi) ⁠Abu Abdillah (a.s.) se riwayat hai: "Aey Abu Amarah! Jo shakhs Imam Hussain (a.s.) ke baare mein sher padhe aur pachaas logon ko rulaye to us par jannat wajib hogi (yahan tak ke Imam a.s. ka bayan is maqam tak pahuncha ke): Agar us ne jo sher padha us par ek shakhs ko rulaye ya khud roye to us par bhi jannat wajib hai, aur jo sher padh kar khud rone ki koshish kare us par bhi jannat hai." (Wasa'il al-Shi'ah, jild 10, safha 465). Is tarah ki riwayaat Imam Hussain (a.s.) ki azadari ki fazilat aur is ke sawaab par dalaalat karti hain.