Q: Kiya Us Thanday Pani Se Wuzu Karna Jo Makka Main Sirf Peenay Kay Liye Makhsoos Hay, Jaiz Hay?
A: Agar Ye Pani Sirf Peenay Kay Liye Makhsoos Hoto Jaiz Nahi Hay.
Q: Wuzu Kay Doran Wuzu Ki Niyyat Kartay Waqt Kiya Kehna Chahiye?
A: Niyyat Ko Zaban Se Jari Karna Zaroori Nahi Hay Balkay Sirf Amal Ko Anjam Denay Ki Taraf Mutawajjeh Hona Hi Kaafi Hay Niyyat Kay Liye.
Q: Kiya Hath Par Lagi Huwi Siahi Wazoo Aur Gusal Me Rukawat Hay? Kiya Is Siahi Kay Upper Wazoo Kar Sakte Hay?
A: Agar Siahi Aiesay Chemical Ya Cheez Par Mushtamil Na Ho Jo Jild Aur Pani Kay Darmiyan Hail Ho To Is Kay Upper Wazoo Ya Ghusal Durust Hoga Aur Agar Wo Cheez Rukawat Banti Hay To Isay Saaf Aur Bartaraf Karna Zaroori Hoga
Q: Agar Kisi Ko Namaz Kay Baad Pata Chalay Kay Is Ka Wuzu Baatil Hogaya Tha Lekin Shak Ho Kay Namaz Say Pehlay Baatil Huwa Ya Baad Main To Is Ki Kia Zimaydaari Hay?
A: Jo Woh Namaz Par'h Chuka Hay W Sahih Hay.
Q: Kya Soojan Ke Ahkam Tooti Haddi Walay Ahkam Ke Sath Miltay Hain? Aur Kya Jalnay Ke Zakham Aam Zakhamon Ke Hukm Mein Aatay Hain?
A: Jahan Tak Soojan Ki Baat Hai To Agar Is Ka Munh Khula Hua Ho Lekin Pani Lagne Se Nuqsan Ka Andesha Ho To Sirf Tayammum Karna Zaroori Hai. Agar Is Par Dawa Ho To Wuzu Al-jabeera Kafi Hai, Aur Yahi Hukm Jalnay Ke Zakham Ka Bhi Hai Jab Tak Woh Zakham Ya Phoray Ke Hukm Mein Na Aaye.
Q: Jo Shakhs Ahkaam Na Jaanne Ki Wajah Se Wuzu Mein Apne Haathon Ko Upar Se Neeche Aur Neeche Se Upar Ki Taraf Dhota Raha, Us Shakhs Ke Guzashata Wuzu Ke Baare Mein Kya Hukm Hoga?
A: Agar Woh Jahil-e-qasir (yani Us Ne Ahkaam Seekhne Mein Kotahi Nahi Ki Thi) Tha, To Us Par Qaza Karna Wajib Nahi Hai.
Q: Agar Kisi Shakhs Ko Wuzu Ke Baad Wuzu Ke Aaza Par Kisi Haail (aisi Cheez Jo Pani Ko Jild Tak Pohanchne Se Roke) Ke Mojood Hone Ke Baare Mein Shak Ho To Us Ka Kya Hukm Hai?
A: Agar Wuzu Ke Baad Use Kisi Haail Ke Mojood Hone Mein Shak Ho To Us Ka Wuzu Sahih Hai.
Q: Jo Shakhs Namaz Ke Baad Taharat (wuzu) Ke Baare Mein Shak Kare, Us Ke Baare Mein Kya Hukm Hai?
A: Agar Kisi Shakhs Ko Namaz Ke Baad, Ya Kisi Doosre Aise Amal Ke Baad Jis Ke Liye Taharat Zaroori Hai, Taharat Ke Baare Mein Shak Ho To Us Ka Amal Sahih Kehlayega, Albatta Aainda Ke Aamaal Ke Liye Wuzu Karna Hoga.
Isi Tarah Agar Kisi Shakhs Ka Wuzu Toot Gaya, Phir Woh Ghaflat Mein Raha Aur Isi Haalat Mein Namaz Parh Li, Phir Namaz Ke Baad Use Shak Hua Ke Kya Us Ne Is Ghaflat Ke Dauran Wuzu Kiya Tha Ya Nahi, Aisi Surat Mein Parhi Hui Namaz Ko Sahih Samjhega Lekin Aainda Ke Aamaal Ke Liye Wuzu Karna Hoga.
Q: Agar Wuzu Mukammal Karne Ke Baad Kisi Shakhs Ko Yaqeen Ho Jaye Ke Us Ne Wuzu Ka Koi Hissa Chhor Diya Hai, To Us Ka Kya Hukm Hai?
A: Agar Use Is Baat Ka Yaqeen Ho Jaye, Lekin Use Yeh Maloom Na Ho Ke Woh Chhora Hua Hissa Wajib Tha Ya Mustahab, To Is Surat Mein Us Ka Wuzu Sahih Qarar Diya Jayega.
