Q: Wo Qatray Jo Ankh Ya Kan Main Dalay Jatay Hain Aur In Ka Zaiqa Halaq Tak Mehsos Hota Hay, Kia Is Say Rozay Batil Hota Hay?
A: In Kay Istaymal Say Roza Batil Nahi Hota.
Q: Rozay Ki Halat Main Dant Nikalwanay Ka Kia Hukum Hay?
A: Danat Nikalwana Aur Har Wo Kaam Karna Jis Ki Waja Say Munh Say Kohn Niklay Makrooh Hay.
Q: Agar Rozay Dar Mayyat Ko Mas Karay To Rozay Ka Kia Hukum Hay?
A: Us Ka Roza Batil Nahi Hoga.
Q: Aashurah [10 Muharram] Kay Din Roza Rakhnay Kaisa Hay?
A: Aashurah Kay Din Roza Rakhna Makroh Hay.
Q: Wo Qatray Jo Aankh Ya Kaan Main Daalay Jatay Hain Aur Un Ka Zaaiqa Halaq Tak Mehsoos Hota Hay Kia Is Say Roza Baatil Hota Hay?
A: Un Kay Istaymaal Say Roza Baatil Nahi Hota.
Q: Agar Rozaydaar Jaan Boojh Kar Qay Kar Day To Rozay Ka Kia Hukum Hay?
A: Agar Rozaydaar Jaan Boojh Kar Qay Karay To Agarchay Wo Bemarie Ki Waja Say Aisa Karnay Par Majboor Ho Phir Bhi Is Ka Roza Baatil Ho Jata Hay.
Q: Kya Ahl-e-Bait (A.S.) Ki Wiladat Aur Shahadat Par Roza Rakhna Jaiz Hai?
A: Jee, Jaiz Hai.
Q: Agar Kisi Shakhs Ne Mustahab Roza Mein Jaan Boojh Kar Jima‘ Kar Liya Ho, To Us Ka Kya Hukm Hai?
A: Roza Batil Hai.
Q: Agar Main Mustahab Roza Rakhay Huay Hoon Aur Koi Mujhe Khanay Ki Da‘wat De, To Mere Liye Kya Cheez Behtar Hai؟
A: Agar Da‘wat Qubool Karne Se Da‘wat Dene Wale Momin Ka Dil Khush Hota Ho, To Zyada Fazilat Isi Baat Mein Hai Ke Us Ki Da‘wat Qubool Kar Li Jaye.
Q: Agar Koi Shakhs Ramzan Ke Aakhri Din Yeh Samajh Kar Roza Tor De Ke Shawwal Ka Chaand Nazar Aa Gaya Hai, To Us Ka Kya Hukm Hai? Aur Kya Is Surat Mein Shar‘i Daleel Ke Maujood Hone Ya Na Hone Ka Farq Parta Hai?
A: Agar Us Ne Yaqeen Ke Saath Roza Tora Ho (khwah Yeh Yaqeen Kisi Bhi Wajah Se Ho) Ya Us Ke Paas Koi Shar‘i Daleel Ho (jaise Do Mo‘tabar Gawahon Ki Shahadat), Aur Baad Mein Ikhtilaf Zahir Ho To Sirf Us Din Ke Rozay Ki Qaza Lazim Hai.
Agar Us Ke Paas Na Yaqeen Ho Na Koi Shar‘i Daleel Ho, Phir Bhi Us Ne Roza Tor Diya To Us Par Qaza Ke Saath Saath Kaffara Bhi Wajib Hoga.
Q: Kya Shawwal Ke Chhe Rozay Rakhne Ki Fazilat Ke Baare Mein Koi Riwayat Maujood Hai?
A: Shawwal Ke Chhe Rozon Ki Fazilat Par Dalalat Karne Wali Riwayat Sanad Ke Aitbaar Se Kamil Tor Par Mo‘tabar Nahi Hain. Albatta Jo Shakhs Sawab Ki Umeed Se Inhein Rakhna Chahe (khwah Musalsal Rakhe Ya Alag Alag Dino Mein), To Use Chahiye Ke Eid Ke Teen Din Guzarne Tak Intezar Kare, Kyunki Baaz Mo‘tabar Riwayat Mein Eid Ke Baad Teen Din Tak Roza Rakhne Se Mana Kiya Gaya Hai, Kyunki Yeh Khane Peene Aur Khushi Ke Din Hote Hain.
