Q: Qurbani Karna Mustahab Hai Ya Is Ki Raqam Sadaqah Bhi Ki Ja Sakti Hai?
A: Jo Shakhs Qurbani Ki Istitaat Rakhta Ho Us Ke Liye Qurbani Karna Mustahab Ta'keedi Hai Aur Jis Ke Paas Paise Hon Lekin Janwar Na Ho To Usay Chahiye Ke Woh Un Paison Ko Sadaqah Kar De Aur Agar Qeematon Mein Farq Ho To Kam Se Kam Sadaqah Karna Bhi Kaafi Hai.
Q: Kya Aik Qurbani Mein Hissa Daala Ja Sakta Hai?
A: Jaiz Hai Ke Insaan Apne Aur Apne Khandan Ki Taraf Se Aik Hi Janwar Ki Qurbani Kare, Isi Tarah Se Qurbani Mein Hissa Daalna Bhi Jaiz Hai, Khaas Tor Par Us Waqt Jab Janwar Acha Ho Aur Qeemat Zyada Ho.
Q: Kya Qurbani Karne Walay Ke Liye Zaroori Hai Ke Woh Baal Aur Naakhun Na Kaatay?
A: Yeh Zaroori Nahi Hai.
Q: Kya Eid Ul-Adha Ke Din Marhoom Waliden Ki Taraf Se Qurbani Karna Jaiz Hai?
A: Un Ke Liye Sawab Pohanchaya Ja Sakta Hai.
Q: Qurbani Ke Janwar Ke Gosht Ki Taqseem Kis Tarah Ki Jani Chahiye?
A: Jis Shakhs Ne Qurbani Ki Ho Us Ke Liye Jaiz Hai Ke 1/3 (teesra Hissa) Woh Apne Ya Apne Khandan Ke Liye Rakhe, Isi Tarah Jaiz Hai Ke 1/3 (teesra Hissa) Un Musalmanon Mein Taqseem Kare Jin Se Usay Muhabbat Hai, Aur Ihtiyaat Mustahab Hai Ke Aakhri 1/3 (teesra Hissa) Musalman Fuqaraa Mein Taqseem Kar De.
Q: Kya Ghair Haji (hajj Nah Karne Wale) Afraad Qurbani Eid Ul Adha Ke Tamam Dino Mein Kar Sakte Hain?
A: Jaiz Hai.
Q: Kin Janwaron Ki Qurbani Ki Ja Sakti Hai?
A: Jin Janwaron Ki Qurbani Ki Ja Sakti Hai Un Mein Oont, Gaye Aur Bakra Shamil Hai Aur Ehtiyaat Ki Buniyad Par Oont Ki Umar Paanch Saal Ho, Gaye Aur Bakray Ki Umar Do Saal Jabke Bheer Ki Umar Saat Maah Ho.
Q: Qurbani Ke Janwar Kitne Saal Ka Hona Chahiye?
A: Qurbani Mein Yeh Shart Hai Ke Woh Teen Qisam Ke Maweshiyon Mein Se Ho: Oont, Gaaye Aur Bakri. Aur Ehtiyat Wajib Yeh Hai Ke Oont Aisa Ho Jis Ne Paanchwan Saal Poora Kar Liya Ho, Aur Gaaye/bail Aur Bakra/bakri Aisi Ho Jis Ne Doosra Saal Poora Kar Liya Ho, Aur Bheer/dumba Aisa Ho Jis Ne Saatwan Mahina Poora Kar Liya Ho.
Q: Qurbani Ke Janwar Mein Aib Ya Koi Nuqs Ho To Us Ki Qurbani Jaiz Hoti Hai?
A: Qurbani Mein Woh Awsaf Shart Nahi Hain Jo Wajib Hajj-e-Tamattu Ki Qurbani Mein Shart Hain. Lehaza Janwar Mein Agar Koi Aib Ho Jaise Kana, Langra, Kaan Kata Hua, Tootay Seeng Wala, Khassi Aur Kamzor Janwar Ki Qurbani Karna Bhi Jaiz Hai. Agarche Ahwat (afzal) Yeh Hai Ke Janwar Sahih O Salim Aur Sehat Mand Ho Aur (yeh) Makrooh Hai Ke Woh Janwar Jisay Khud Pala Ho (us Ki Qurbani Kare).
Q: Qurbani Ke Janwar Se Kitna Gosht Khud Istemal Ke Liye Rakha Ja Sakta Hai?
A: Qurbani Karne Wale Ke Liye Jaiz Hai Ke Woh Us Ka Ek Tehai Hissa Khud Apne Ya Apne Ghar Walon Ko Khilane Ke Liye Makhsoos Kar Le, Isi Tarah Ek Tehai Hissa (1/3) Apne Doston Aur Ahbab Ke Liye Aur Phir Ahwat (afzal) Yeh Hai Ke Baqi Ek Tehai Hissa (1/3) Zarurat Mand Mustahiqeen Musalmanon Par Sadqa Kare.
Q: Qurbani Ke Janwar Ki Khaal Se Muta‘alliq Kya Zimmedari Hai?
A: Qurbani Ki Khaal Sadqa Karna Mustahab Hai Aur Use Qassab Yani Qasai Ko Ujrat Ke Taur Par Dena Makrooh Hai, Aur Use (khaal Ko) Musalla (namaz Parhne Ki Ja-e-namaz) Banana Aur Us Se Ghar Ka Saman Khareedna Jaiz Hai.
Q: Qurbani Ke Janwar Ko Apne Ya Kisi Ke Aqeeqah Ke Taur Par Zabh Kiya Ja Sakta Hai?
A: Qurbani Aqeeqah Ke Liye Kafi Ho Sakti Hai. Pas Jis Bachay Ki Taraf Se Qurbani Ki Gayi Woh Use Aqeeqah Se Be-niyaz Kar Deti Hai.
Q: Kya Fout Shudah Shakhs Ki Taraf Se Maada Janwar Ki Qurbani Jaiz Hai?
A: Koi Harj Nahi.
