Q: Retirement Kay Baad Milnay Walay Paisay Say Kiya Insaan Mustatee Hojata Hay?
A: Agar Wo Paisa Kaafi Miqdar Main Ho Aur Insaan Qarzdar Na Ho Aur Wo Paisa Insan Ki Zaroorat Say Ziada Hoto Is Par Hajj Wajib Hojaiga.
Q: Mard Kay Liay Khawateen Kay Makhsoos Makeup Aur Aaraish Ka Saman Farokht Karnay Ka Kia Hukum Hay?
A: Is Kaam May Koi Haraj Nahi Hay, Laikin Agar Haram May Mubtila Honay Ka Khauf Ho To Haram Hay
Q: Kia Gair Muslim Mumaalik Ko Weshi Sowwar Ka Gosht Baichna Jaiz Hay?
A: Jaiz Nahi Hai.
Q: Qistoon Par Kisi Bhi Samaan Ko Is Ki Haqeeqi Qeemat Se Mehanga Baichnay Aur Kharidne Ka Kya Hukum Hai ?
A: Is Terhan Se Khareedna Aur Bechna Jaaiz Hai Lekin Baichi Hui Qeemat Par Takheer Ki Wajah Se Izafi Paisay Lena Jaaiz Nahi Hai .
Q: Kya Haram Mashroobat Ki Khaali Bottles Jama Karke Bechna Jaaiz Hai?
A: Jaaiz Hai, Siwaye Iske Ke Iska Maqsad In Mein Dobara Sharaab Bharna Ho.
Q: Kya Maah-e-Muharram Mein Khareedari Karna Jaaiz Hai, Khasosan Jab Garmiyon Ke Kapde Aur Sonay Ke Zewar Khareedne Ki Zaroorat Ho?
A: Aisa Karna Munaasib Nahin Hai, Lekin Haram Bhi Nahin Hai.
Q: Kya Raqs Ke Kapron Ki Tijarat Karna Jaaiz Hai, Yeh Jaante Hue Ke Hum Europe Mein Rehte Hain?
A: Agar In Kapron Ka Aam Aur Raij Istemaal Sirf Raqs Ke Liye Ho To Ehtiyaat Wajib Ki Bunyaad Par Jaaiz Nahin Hai.
Q: Main Ghizai Ashiya Ka Dukaandaar Hoon Aur Mera Zyada Tar Maamla Un Chhotay Bachon Ke Saath Hota Hai Jinhein Un Ke Waliden Khareedari Ke Liye Bhejte Hain. Kya Is Mein Koi Shar‘i Ishkal Hai?
A: Mamooli Cheezen Jin Ke Len-den Ki Aadat Samajhdar Bachay Ko Di Jaati Hai, Bechna Jaaiz Hai.
Q: Bachon Ke Khilonon Aur Gudiya Numa Khilonon Ke Khareed-o-farokht Ka Kya Hukm Hai?
A: In Khilonon Ko Khareedna Aur Rakhna Jaa'iz Hai, Lekin Jaise Jandar Ke Mujsamé Banana Jaa'iz Nahi, Usi Tarah Ihtiyaat Wajib Ki Bina Par Jandar Jaisi Shakl Ke Khilonon Ke Banane Se Ijtinaab Kiya Jaye.
