Q: Kya Imam-e-Zamana (ajjal Allah Ta‘ala Farajah-ush-shareef) Ka Aqeeda Rakhna Aqaaid Mein Se Hai? Aur Kya Yeh Usool-e-Deen Mein Se Hai Ya Furoo-e-Deen Mein Se?
A: Imam-e-Zamana (ajjal Allah Ta‘ala Farajah-ush-shareef) Par Is Tareeqay Se Aqeeda Rakhna Ke Un Ka Wajood Asal Islam Mein Hai, Aur Woh Janab-e-Fatima-tuz-Zahra (salam Allah Alaiha) Ki Aulaad Mein Se Honge, Aur Aakhir-e-zaman Mein Zahoor Farmaein Ge, Aur Zameen Ko Adl Aur Insaaf Se Is Tarah Bhar Dein Ge Jis Tarah Woh Zulm Aur Jor Se Bhari Hui Hogi — Yeh Aqeeda Islam Ke Bunyadi Aqaaid Aur Usool Mein Se Hai.
Is Liye Ke Is Par Musalmanon Ke Tamam Firqon Mein Mutawatir Ahadees Maujood Hain. Aur Jo Shakhs In Baaton Ko Jaante Hue Bhi Na Maane, Goya Us Ne Rasool-e-Khuda ﷺ Ko Jhutlaya Hai, Aur Jis Ne Rasool-e-Khuda ﷺ Ko Jhutlaya Woh Deen Se Kharij Hai.
Aur Rahi Baat Is Aqeede Ki Ke Woh Ghaybat Mein Hain, Woh Masoom Hain, Aur Un Ki Imamat Allah Ki Taraf Se Hai — Yeh Zaruriyat-e-mazhab, Ya‘ni Zaruriyat-e-Mazhab-e-Shia Mein Se Hai (ya‘ni Jo In Baaton Ko Na Maane Woh Shia Mazhab Se Kharij Samjha Jata Hai)۔
Aur Jis Shakhs Ne Imamat Ko Sahi Taur Par Samjha Hoga, Us Ke Liye In Umoor Mein Koi Ibhaam Paida Nahi Hoga.
Q: Agar Aik Shakhs Shia Isna Ashari Ho Lekin Us Ka Aqeeda Imam Mehdi (ajjal Allah Ta‘ala Farajah-ush-shareef) Ke Baare Mein Ahl-e-Sunnat Jaisa Ho, Yani Yeh Ke Woh Paida Honge, Jabke Tamam Dalaail Aur Shia Aur Sunni Ulama Ke Aqwaal Bhi Maujood Hain Ke Imam Mehdi (ajjal Allah Ta‘ala Farajah-ush-shareef)
A: Imam Mehdi (ajjal Allah Ta‘ala Farajah-ush-shareef) Ki Wiladat Aur Un Ki Ghaybat Par Iman Rakhna Mazhab-e-Shia Ki Zaruriyat Mein Se Hai. Pas Jo Shakhs Is Baat Ko Nahi Maanta, Woh Shi‘at Se Kharij Hai, Chahe Woh Baqi 11 Imamon Ki Imamat Ka Qaail Hi Kyun Na Ho.
